शब्दाङकुरले पुरस्कार वितरण गर्दै

वैशाख ५, काठमाडौँ । शब्दाङकुर साहित्य प्रधान मासिकले पुरस्कार वितरण तथा कथा विशेष अंक सार्वजनिक कार्यक्रम आयोजना गर्दैछ । यहि साताको वैशाख ९ गते शनिबारका दिन राजधानी अवस्थित राष्ट्रिय नाचघरको हलमा सम्पन्न हुन गइरहेको उक्त कार्यक्रममा शब्दाङकुर कथा प्रतियोगिताका विजेताहरुलाई पुरस्कार प्रदान गरिने छ । सो अवसरमा प्रतियोगितामा समावेश भएकाहरु मध्ये दश उत्कृष्ट कथाहरुको विशेष अंक समेत सार्वजनिक गरिने भएको छ ।
शब्दाङ्कुर साहित्यप्रधान मासिकले २२ वर्ष प्रवेश गरेको उपलक्ष्यमा आयोजित उक्त प्रतियोगितामा धोबीघाट, ललितपुरका प्रा. डा. अजय रिसालको ‘मोबाइलको घण्टी’ कथाले प्रथम स्थान, बेलका(२ उदयपुरका नन्दलाल आचार्यको ‘केटो’ले द्वितीय र गोकर्णेश्वर(३ काठमाडौँका अज्ञात युवकको ‘दुर्व्यवहार’ले तृतीय स्थान प्राप्त गरेका थिए ।