साउन ३०, काठमाडौं । साहित्यिक पत्रकार संघले ५३औँ स्थापना दिवसको अवसर पारेर अग्रज साहित्यिक साधक तथा कलाकारलाई अभिनन्दन, सम्मानित तथा पुरस्कृत गरेको छ ।
मंगलबार काठमाडौंमा आयोजित कार्यक्रममा सापस विशिष्ट सर्जक सम्मान तेजेश्वरबाबु ग्वङ्ग, रोचक घिमिरे, कालीप्रसाद रिजाल, भागीरथी श्रेष्ठ, रामबाबु सुवेदी, डा.दुबसु क्षेत्री र वसुन्धरा भुसाललाई प्रदान गरेको छ ।
त्यस्तै संघले मणि लोहनीलाई व्यथित काव्य सम्मान, सुरेन उप्रेतीलाई व्यथित काव्य डायस्पोरा सम्मान तथा साहित्यकारहरू देवीभक्त श्रेष्ठ, सविता श्रेष्ठ ‘बेहोसी’, बाबुराम श्रेष्ठलाई सम्मानित गर्यो ।
संघले लीलादेवी श्रेष्ठलाई १० हजार नगद राशिसहित लोकप्रिया पुरस्कार प्रदान गर्यो ।
Facebook Comments Box
