साउन २९, दुबई । साहित्यकार कल्पना काफ्लेको मुक्तकसङ्ग्रह ‘अशान्त धड्कन’ दुबईमा लोकार्पण भएको छ। सिर्जना वाचन डबली युएईको आयोजना तथा अन्तर्राष्ट्रिय नेपाली समाज युएईको समन्वयमा दुबईको बरदुबैमा कृतिकाे लोकार्पण गरिएको हो ।
टंक गुरुङको अध्यक्षता गैरआवासीय नेपाली संघ युएईका अध्यक्ष विकास शाहीको प्रमुख आतिथ्यतामा भएको कार्यक्रमका विशिष्ट अतिथिमा साहित्यकार काफ्लेका श्रीमान् कृष्ण आचार्य, नेपाल एयरलाइन्स युएईका कन्ट्रीमेनेजर दीपेन्द्र सापकोटा, सावित्रा अधिकारी लगायत रहेका थिए।
जे सागरको संयोजन र भवानी नेपालको सञ्चालनमा कार्यक्रम भएकाे थियाे। कार्यक्रममा २७ सर्जकले आआफ्ना सिर्जना वाचन गरेका थिए।
लाेकार्पित कृतिका कृतिकार कल्पना काफ्लेले झन्डै १ घन्टासम्म आफ्ना मुक्तक गजल र कविताले माहोल तताएकी थिइन्। काफ्लेका मुक्तक र कविताले माेहित भएर दर्शकहरूले वान्स मोर भनेर हुटिङ दिइरहेका थिए।
