सागर फुयालको कविता तथा गीतसंग्रह ‘अँजुलीमा थाप्न पाएँ’ सार्वजनिक हुदै

कवि तथा गीतकार सागर फुयालको कविता तथा गीतसंग्रह अँजुलीमा थाप्न पाएँको विमोचन तथा अन्तरक्रिया कार्यक्रम २०७८।१२।२५ का दिन अपराह्न ४ बजे नयाँ बानेश्‍वरस्थित अर्पण ब्याङ्क्वेटमा सम्पन्न हुने तय भएको छ । लेखककी आमा मैया फुयाल आयोजक तथा प्रकाशक रहनुहुने उक्त कार्यक्रममा नेपाली साहित्यकारहरूबाट कृतिमा संक्षिप्‍त टिप्पणी गरिने कार्यक्रम छ । कार्यक्रममा नेपाली साहित्यकारहरू, शब्दाङ्कुर मासिकका सम्पादन मण्डलका सदस्यहरू, लेखक सागर फुयालका आफन्तजन एवम् पत्रकारहरूलाई आमन्त्रण गरिएको छ ।