सविता के.सी.
(दक्षिणकाली, टल्कु)
हिमालमा रङ्गीचङ्गी नाच्छन् डाँफे मुनाल
हिमाल पहाड तराई सुन्दर हाम्रो देश नेपाल ।
गुराँस फुल्छन् रङ्गीन यहाँ झुल्छ लालुपाते
फूलको बास्ना छरिएर मान्छे मात्न थाले ।
सुदूर पश्चिम डाँडाकाँडा वन फुल्दा हेर
मोहित हुन्छ हुम्ला जुम्ला फल स्याउ झुल्दा ।
राता भए वसन्तमा वन गुराँस फुलेर
कोइरालो कुर्दै थियो मौसम, गुबोभित्र लुकेर ।
पहेँलो छ तराई फाँट झुल्दा धानका बाला
झिलिमिली सहर बजार बलेजस्तो तेलका पाला ।
चाँदीको ताज हाम्रो सगरमाथा शिर
पौरखी भनी चिनिने गोर्खाली वीर ।
घुम्न आऊ नेपाल, पश्चिम पूर्वतिर पनि
निरन्तर बग्ने नदी, खोला, मूलको मिठो पानी ।
बहुभाषा, संस्कृति, फरक फरक जात
बिहानसाँझ तिहुनसित खाने उही भात ।
Facebook Comments Box
