साकुचा
तिमीलाई म फेरि भेट्ने छु ।
तिमीले पिउने चियाको चुस्कीसँगै
स्वाद बनेर
तिमीलाई म फेरि भेट्ने छु ।
मलाई छोएर गएको त्यो हावाको वेगसँगै
स्र्पश बनेर
तिमीलाई म फेरि भेट्ने छु ।
इन्स्टाको मेरो हरेक पोस्टमा आउने
नोटिफिकेसन बनेर
तिमी र मबिचको दूरीको एउटा पातलो
किनारा बनेर
तिमीलाई म फेरि भेट्ने छु ।
जाऊ रङ्गाऊ आफ्नो संसार
जाऊ आजाद गरिदिएँ
तिमीलाई
तर
तिमीलाई म फेरि भेट्ने छु
तिम्रो प्रियतमको ओठको
गुलाबी रङ बनेर
तिम्रो भविष्यको मुहारको
एक धर्सा मुस्कान बनेर
र तिमीलाई म फेरि भेट्ने छु
ती प्रियहरुको आखाँमा छचल्केर
जब जीवनको उत्तरार्द्धमा
यादहरुको पाना पल्टाउँदै गर्दा
तिम्रो मिठो इतिहास बनेर
तिमीलाई म फेरि भेट्ने छु ।
Facebook Comments Box
