शुभकामना नयाँवर्षको

सागर फुयाल

हर दिन बितुन् एक युग बनेर
हर छिन मुस्काउन् सुवासिला फूल बनेर,
अँधेरीमा पनि सधैं उदाउन् पूर्ण चन्द्र
हटुन् कालाबादल झल्मलाउन् दिनघाममा
मङ्गल हुन् हर काम तिम्रा मुस्कुुराउँन चन्द्रमा
नयाँ वर्षको हार्दिक मङ्गलमय शुभकामना ।

फैलियोस् कान्ति जीवनमा,
फैलियोस् शान्ति उमङ्गमा
कीर्ति राख्नू देशकै तीनै लोकमा
कर्महोस्, धर्म होस्, होस् निर्मल भावना
दाहिना हुन् चन्द्रमा, नित्य होस् मनमा आराधना
नयाँ वर्षको हार्दिक मङ्गलमय शुभकामना ।

हट्दै जाउन् कपट कमल फूलोस् मनमा,
कूटिलहरू सुशील हुन्, अहङ्कारी सज्जन बनुन
कमजोर मनका, रोग, भोक र शोकमा बाँचेकाहरुलाई
राखि समभाव, सद्भावना,बचाउँदै पहुँच रमाइ समतामा
साझाँ नेपाल विविधता अमूल्य निधी हेक्का राखी मनमा
नयाँ वर्षको हार्दिक मङ्गलमय शुभकामना ।