हिमालमा हिउँ छैन

अभय श्रेष्ठ

खोलाखोल्सी माछा छैन, हिमालमा हिउँ छैन
खेतै बाँझो, बारी बाँझो, छर्नलाई बिउ छैन

नाङ्गो भएँ भन्दै घरी घरी हिमाल रून्छ
नाङ्गो हिमाल, नाङ्गो नदी, नाङ्गो वन जुन छ
रूख हरियो पात हुँदा, हाँगा हुँदा, जरा हुँदा
रूख भन्छ, चराजस्तो मेरो माया कुन छ ?

लहराउँदै बगी हिँड्ने खोला भयो सुक्खा
किनारालाई नछोई सुक्नु उसको कत्रो दुःख
जो त बग्थ्यो, उही सुकखा, उही बर्बादीमा
वनै चिरा, मनै चिरा चिरा पार्ने फुक्का

यो हावा, यो पानी, घामजून हो साझा
सबै बेच्छु भनी आयो कोही हाम्रो माझ
बाँचेकै छ आजसम्म रोई रोई माटो
माटो चिरा, मुटु चिरा, मान्छे चिरा आज ।