नवराज पौडेल
(सल्ले, खोटाङ)
ऐले सुनसान बनेको छ सल्ले गाउँ
गीतहरु गुन्जिरहने ती पाखापखेराहरु।
आज चकमन्न भएका छन् ती ठाउँहरु
त्यो डाँडापरि अनि ढोडेनी पाखा ।
कसले चराउलान् अहिले गाईबाख्रा
त्यो तेर्सो बाटो अनि देवीथान ।
को सक्लान् ऐले घाँसदाउरा जान
त्यो सालबोटे अनि विजयटार ।
त्यो खाकर खोरिया गर्दै वारपार
त्यो पानीडाँडा अनि ढोडेनीपानी ।
त्यो करमखोरिया फेदीमा रातेपानी
त्यो चिहानडाँडा ओढारे ढिक ।
घाँसदाउरा जान हुन्थ्यौँ हामी ठिक
त्यो चोक्टिचउर अनि बयरडाँडा।
पानीको खोल्सो ऐसेलु काँडा
त्यो सगुनेढिक अनि बान्द्रेपाखा ।
सिटोको भारीमाथि खयरकाँडा
घुम्दै र डुल्दै गथ्यौँ सबै पहिले ।
सुनसान बनेको छ सल्ले गाउँ
चकमन्न भएको छ घाँसदाउरा गर्ने ठाउँ।।
Facebook Comments Box
